17.05.2013 10:02pm

رّد ادبي على كلام الشيخ رائد فتحي المحرض والداعي للاكراه بقلم الدكتور اكرم حسون

رّد ادبي على كلام الشيخ رائد فتحي المحرض والداعي للاكراه بقلم الدكتور اكرم حسون

يا شيخ ردّ السمّ عاثمّك وبجاه طه إستحي عادمّك

وتتصير إنساني ورجل تنعدّ إركع قبال السبع تيشمّك

يا كافر بحلم الأمس والغدّ لا تعزم العطشان عايمّك

يا شوك متقنع بثوب الندّ خليت كلّ الكاينه تذمّك

ولمّا أمرت عزايمك تشتدّ وبخّيت عالدرزي حقد سمّك

وقلت عنّو كافر ومرتدّ وسحبت ورقة عار من كمّك

ونسيت إنو محمد المنوّد قلّك تحافظ عا إبن عمّك

ولك سفرة بني معروف ما بتنمدّ لشكال عتمة جحرها لمّك

وما منطعم الجاني خبز من يدّ ربّت طهر أبرار ما ضمّك

ولو جرحتنا بجزرك منرجع مدّ وعنّا يا فتحي بحر بطمّك

عزّة بني معروف ما بتنهدّ بتهدّ صوانك على صمّك

للوفق نحنا إيدنا بتنمدّ بسّ الوفق قرفان من خمّك

إم الفحم مثل العطر عالخدّ عاشت معانا بحلف ما همّك

ابن شعبها وشعبي ما حطّو حدّ لكن يا متوطي بثقل دمّك

خليّت أهلك قبلنا تحتدّ وتزيد همّ جديد عا همّك

عذر الأهل مقبول ما بينردّ لكن إنت تاعفوّنا يحمّك

إطلع تأسف عن صدق عن جدّ وإمسح غبار الشرّ عن غمّك

وإن ما ردت للعذر تكتب ردّ يمّا لسانك أُربطوا يمّا

إرجع تربّى في حضن إمك.


ملاحظه: بطلب خاص من الدكتور اكرم حسون يرجى من جميع اهالي الكرمل والجليل التأني وعدم الرد على كلام رائد فتحي, ويضيف: ان هذا الموضوع يعالج مهنيا من قبل كليه الكرمل واخذته على عاتقي شخصيا!

                                        







  1. חסוני דמו אכרם
    2013-05-17
    זעים מן יום יומק ונחנה רגאלק יא בטל

  2. ابن البلد
    2013-05-22
    رجالك للموت ولله